تتعدد طرق الغش في بيع الطيور، مثل: الدجاج خاصة إذا كانت تباع بالقطع المجزئة، وفي هذا السياق كشف تاجر فراخ يدعي أشرف مصطفي أبو مصطفي طريقة الغش في بيع أوراك الدجاج وقطع البانيه، حيث ظهر تاجر الفراخ في مقطع فيديو ريلز عبر صفحته الرسمية على موقع «فيسبوك» وهو يشرح لسيدة من إحدي زبائنه طريقة للغش في بيع أوراك الدجاج والبانيه والتي يزيد من ثمن بيع ورك الفرخة الواحد 5 جنيهات.
الغش في بيع الطيور
قال تاجر الفراخ للسيدة خلال مقطع الفيديو: «الورك الأول ثمنه على الميزان 15 جنيها و 20 قرشا، هحطه دلوقت تحت الميه -وكأني بغسله عادي- هيكون سعره 20 جنيه و 60 قرش، يعني زاد 5 جنيه في الحركة دي».
وأضاف تاجر الفراخ الذي ظهر في مقطع فيديو ريلز آخر يشرح فيه نفس طريقة الغش في بيع أوراك الدجاج والبانيه وكذلك الحمام والفراخ والأرناب والبط الرومي: «هوريكم من تاني طريقة اغش في بيع الأوراك وكذلك البانيه وما شابهم».
وتابع تاجر الفراخ: «الورك دا عامل قبل ما تلمسه المياه 18 جنيها و 80 قرش، وبعد الغسل بتمعن هيكون سعره 23 جنيها و60 قرشا».
طريقة الغش في بيع أوراك الدجاج والبانيه
ورد تاجر الفراخ على بعض المشككين في التعليقات بأنه استبدل ورك الفرخة بغيره، قائلا: على فكرة والله اللي رد على حضرتك أنا ما اعرفكيش بس ازاي انا غيرت الورك والفيديو كل قدام عينيكم كده» بينما أكد معلق آخر حديثه، مضيفا: «كلام غلط أنا صانيعي فراخ ده اللي بيحصل وفي ناس بتنقع الفراخ بالساعات».
وتابعت معلقة أخرى: «لو بتطلب الفراخ من البيت بتجي كده فعلا جربت بتوع الفراخ كلهم نفس النظام جيت اشوى الفرخة لقيت الصنية بحر مياه لدرجة انى طلبت تتنظف بدون فتح البطن لقيت المسرين مليانة مياه اخر حل انزل بنفسى اوزن وماتحركش الا بالفرخة ادفع ووزن واخدها وامشى معتش فى ثقة».
وقالت معلقة أخرى: «كل بتوع الفراخ بيعملو كده في البانيه والوراك حتي الفراخ بعد ما بيوزنها بيغيرها وتيجي تقوله ميزانها كدة مش صح يقولك اصلها كانت واكلة وازنة ريش كتييير وسرقة عيني عينك حسبي الله ونعم الوكيل بجد كل ماجيب البانيه الاقيه مصفي مياه في الطبقة من كتر النقع في المياه».