كشف محمد بركات لاعب الأهلي والمنتخب السابق وعضو مجلس إدارة اتحاد الكرة، الكثير من المفاجآت حول حقيقة تعاطيه المنشطات وكواليس أزمة استبعاد من انتخابات اتحاد الكرة بسبب عدم حصوله على مؤهل عال بما يخالف شروط الترشح التي من بينها ضرورة الحصول على مؤهل عال.
وقال بركات في تصريحات له خلال برنامج حبر سري مع الإعلامية اسما إبراهيم بقناة القاهرة والناس: “أنا كنت قاعد فجأة لقيت مراتي بعتالي حاجة على واتساب فدخلت سمعتها لقيت واحد عامل مداخلة مع الكابتن شوبير فقال إن محمد بركات مش هينفع يخش نظرا انه مش معاه مؤهل عالي، فاستغربت لإني معايا بكالوريوس تجارة عين شمس”.
وأضاف أنه تواصل مع الشخص الذي أدعى عدم امتلاكه مؤهل عال مع الإعلامي أحمد شوبير على الفور، مضيفا ” كلمت الشخص مروج شائعة أني مش معايا مؤهل عالي واللى كان بيكلم الكابتن شوبير فقلت له هو إيه اللى بيحصل انا راجل معايا بكالوريوس تجارة فقال لي أن فلان من اتحاد الكرة هو اللى مطلعها وانتهى الموضوع”.
تعاطي بركات المنشطات
ورد محمد بركات على الشائعات الخاصة بتعاطيه المنشطات خلال فترة تواجده في الملاعب، حيث قال: “استئصلت الغدة الدرقية وبعد العملية بسنة مأخدتش أدوية لمدة سنة ونص وبعدين تعبت تاني فروحت لدكتور فقالي أنت محتاج دواء فكتب لي دواء آخده مدى الحياة ولما سألنا لقينا إن الدواء اللى باخده محظور فأرسلت للفيفا اني عامل عملية ومطلوب آخد جرعة تخليني بني آدم طبيعي زيي زي اي حد، وحصلت على موافقة”.
وأضاف بركات في تصريحاته: “معرفش مين اللى طلع شائعة اني بتعاطي منشطات، انا باخد دواء علشان ابقى بني اَدم طبيعي والناس اقتنعت بعد سنين من انتشار الشائعة”.