جاء الفنان أحمد فهمي ضيفًا في برنامج “ABtalks” مع الإعلامي أنس بوخش، والذى يعرض عبر موقع الفيديوهات يوتيوب، ويعتبر هذا اللقاء الأول للفنان أحمد فهمي عقب إنفصاله عن زوجته الفنانة هنا الزاهد.
الفنان أحمد فهمي، تحدث عن تفاصيل في حياته الشخصية، وعن زيجاته السابقة وسبب إنفصاله عن الفنانة هنا الزاهد، كما كشف أحمد فهمي عن سبب تأخره في الإنجاب حتي الأن.
سبب إنفصال أحمد فهمي عن هنا الزاهد
وأوضح الفنان أحمد فهمى، خلال حديثه مع الإعلامي أنس بوخش، عن الشخص المتسبب فى إنفصاله عن الفنانة هنا الزاهد، قائلآ : إن كل الأشخاص الناجحين فى حياتهم العملية ليسوا بالضرورة ناجحين فى علاقتهم الزوجية.
وأضاف فهمي : “عندى مصايب كتير وعندى مشاكل فى شخصيتى، لكن كله بيحب يطلع فى التليفزيون يقول أحلى ما عنده، يعنى لو سألت حد فى الشارع هيقولك إنت ناجح، ولكن أنا أقدر أقول إنك ناجح فى شغلك، وده اللى أنا شايفه بس معرفش إنت فى حياتك عامل إيه”.
وقام الفنان أحمد فهمي، بالرد عن سؤال من المتسبب في إنفصاله عن الفنان هنا الزاهد، قائلآ : “أكيد هيكون العيب فيا، وكلمة متخربش البيت بشوف إنها كلمة جاهلة جدًا لأني بشوف صلاح البيت في الإنفصال”.
دكتور نفسي بسبب مرض القلق والتوتر
وتحدث “فهمي”، عن سبب إنفصاله للمرة الثالثة، قائلآ : “أنا عندي مرض القلق وتوتر لا إرادي نتيجة لحاجات عشتها قبل كده وده بسبب طريقة التربية، وده وصلني أن يكون عندي في المريء مشاكل صحية وإتحسنت لما بدأت اروح لدكتور نفسي”.
وأضاف : “أكيد في الطلاق العيب فيا لأني مش مسؤول عن عيوبها، وانا بتجوز كذا مرة لأني بجرب لحد ما أوصل للنتيجة اللي انا عايزها، وانا مبكونش ناوي أطلق في الرحلة بس الظروف هي اللي بتوصلني لكده وإتعلمت من الطلاق التحضر من بعد الطلاق”.
أحمد فهمي وطليقته هنا الزاهد
وسئل أحمد فهمي عن وصف الفنانة هنا الزاهد بكلمة واحدة، وأجاب قائلآ : “هنا أنا بحترمها جدًا بحترم علاقتها مع أهلها، الإنسان علاقته مع أهله وقرايبه دا بيبينلك أنه قد إيه كويس”.
وتابع أحمد فهمي : “في جملة دائمًا بيقولك فاقد الشئ لا يعطيه، أنا برضو مبحبهاش أنا بحس أن فاقد الشئ أكتر واحد بيعطيه، لو حاجه نقصاك من أهلك بتديها لأبنك زيادة عن اللزوم، فأنا بحترم هنا أوي في معاملتها مع الناس اللي حواليها دا يمكن أكتر حاجه لفتت إنتباهي ليها، بس لو لخصتها في كلمة “طيبة جدا”.
سبب تأخر أحمد فهمي في الإنجاب
وتحدث الفنان أحمد فهمي عن سبب تأخره في الإنجاب رغم زواجه ثلاث مرات، وقال : إنه يرى الأطفال أخطر ما يمكن التعامل معه، وأن الطفولة هي أهم مرحلة في حياة الإنسان وخاصة من سن 10 سنوات.
وأضاف فهمي : “أي حاجة بتحصلك في السن دا بتبقى زي خربوش في جسمك مش هيتغير، علشان كدا تلاقيني متأخر في الخلفة لأن التعامل مع الطفل دا أخطر حاجة ممكن التعامل معاها”.