وجه الرئيس المصري عبدالفتاح السيسي، اليوم الإثنين الموافق 27 سبتمبر 2021، الحكومة برئاسة الدكتور مصطفي مدبولي، رئيس مجلس الوزراء، بقطع ووقف كل اشكال الدعم الذي تقدمه الحكومة لأي متعدي على أراضي الدولة الزراعية أو الترع أو المصارف، وجاء ذلك خلال افتتاحه محطة معالجة مياه بحر البقر، بحضور الوزراء وكافة المسئولين بالحكومة المصرية.
وقال الرئيس السيسي، خلال كلمته: ” الدولة تسابق الزمن في العمل علي تطوير كافة القطاعات بالمحافظات، احنا بنحاول نسابق الزمن لتطوير واستعادة كفاءة منشآتنا بالكامل، زي ما شوفتوا الترع وحالها، كان بيأثر على حال الناس، ومتقدرش تستفيد بالمية خلال عمليات الري للمحاصيل الزراعية، قائلا:” الدولة بتقوم بدور، والمواطن عليه دور أيضا في حماية منشآت الدولة والمحافظة عليها”.
ووجه الرئيس السيسي، كلامه للحكومة برئاسة الدكتور مصطفي مدبولي، قائلًا:” لو انتوا النهاردة كحكومة لو راجعتوا الإجراءات اللي اتعملت في الـ 7 سنوات الماضية في كافة القطاعات سواء التعليم والزراعة والري والرصف للطرق والإنتاج الزراعي وكافة القطاعات، هتلاقوا إن التخطيط كان لغاية 2052، وقطعنا خطوات كبيرة عشان كنا متأخرين، بعض المواطنين تعدوا على منشآت الحكومة، لما تتكلم إن فرع رشيد بيعدي 30 مليون متر مكعب من المية، بعد ما كانوا 80 مليون، مش هنقبل كحكومة بده، كل التعدي بتاعة المنشآت والحكومة، وزارة الداخلية والقوات المسلحة، آخد تمام عشان نشيل، إحنا مش هنتحايل على حد، بعد 6 شهور أخد تمام، كل التعديات تتشال وأخد تمام خلال 6 شهور، زي ما أنا بعمل تطبين للترع وإجراءات فوق الخيال، اللي بيتعمل في مصر فوق الخيال.
وأكد الرئيس عبد الفتاح السيسي، مش هقبل بالتعدي، عايز تغتصب أرض الدولة وأسكت، ده كلام مش مقبول دلوقتي، كان زمان مقبول، حد يقولك انت زعلان، لأ، أنا خايف عليكم، ليه بنعمل كده في نفسنا، مصر تستحق منا أن نحافظ عليها.